Kasar Amurka Ta Kama Shugaban Kasar Panama Manuel Noriega

-

 Kasar Amurka Ta Kama Shugaban Kasar Panama Manuel Noriega 



A ranar 3 ga Janairu 1990 (yau Shekaru 36 da suka wuce) Manuel Noriega, shugaban kasar  Panama, ya mika wuya ga hukumomin Amurka. Kama shi shi ne babban manufar (Operation Just Cause), wata mamayar Amurka mai girma da aka ƙaddamar a kasar a ranar 20 ga Disamba, 1989. 


Mamaya bayan hare-haren Jiragen Saman Yaki


Bayan mamayar da sojojin Amurka kimanin 24,000 suka yi, Noriega ya kauce wa kamawa na tsawon kwanaki da dama.


Mafaka a Ofishin Jakadancin Vatican


A ranar Kirsimeti, 1989, Noriega ya nemi mafaka a cikin (ofishin jakadancin Vatican) a birnin Panama.


Domin tilasta masa fita ba tare da karya ka'idojin diflomasiyya ta hanyar shiga ofishin jakadancin ba, sojojin Amurka sun yi amfani wakokin rock da manyan mayan sufiku masu azabar ƙarfi, suka kewaye ofishin jakadancin suka kunna kida ba dare ba rana.


Wasu daga cikin wakokin da suka kunna sun hada da:


Panama" ta Van Halen

"Welcome to the Jungle" ta Guns N' Roses

"I Fought the Law" ta The Clash

"Danger Zone" ta Kenny Loggins


Mika Wuya


Bayan kwanaki 10, Manuel Noriega tare da ma'aikatan ofishin jakadancin basa iya yin barci, dole ta sa Noriega ya fito ya mika wuya ga jami'an Hukumar Kula da Muggan kwayoyi ta Amurka (DEA) a ranar 3 ga Janairu, 1990.


Hukuncin Shari'a


Nan da nan bayan ya mika wuya, an kai Noriega zuwa Miami ta jihar Florida Amurka. A shekarar 1992, an same shi da laifuka takwas na safarar miyagun kwayoyi, damfara, da kuma halatta kudaden haram, wanda hakan ya sanya shi shugaban ƙasa na farko da aka yanke wa hukunci a kotun Amurka.


Hukunci


Da farko an yanke masa hukuncin daurin shekaru 40 a gidan yari (daga baya aka rage shi zuwa shekaru 30). Bayan ya shafe shekaru 17 a Amurka, an mika shi ga Faransa a shekarar 2010 saboda laifin halatta kudaden haram, sannan aka mika shi ga Panama a shekarar 2011 don fuskantar tuhumar kisan kai da cin hanci da rashawa. 


Mutuwa


Noriega ya mutu a Asibitin Santo Tomas a birnin Panama a ranar 29 ga watan Mayu 2017 (yana da shekaru 83 ).

Comments

Post a Comment

Popular posts from this blog

Gwamna Abba Kabir Yusuf Ya Yi Tattaunawa da Kwankwaso, Daga Bisani Ya Tafi Faransa Don Ganawa da Tinubu

-
Image
 Rahotanni sun nuna cewa Gwamnan Jihar Kano, Abba Kabir Yusuf, ya gudanar da wata ganawa ta musamman da jagoran NNPP kuma tsohon gwamnan jihar, Sanata Rabiu Musa Kwankwaso, a gidansa da ke Miller Road a birnin Kano. Majiyoyi sun bayyana cewa ganawar ta gudana ne a ranar Talata, inda aka tattauna muhimman batutuwa da suka shafi siyasa da makomar jam’iyya a jihar Kano da ma kasa baki daya. Bayan wannan ganawa, Gwamna Abba Kabir Yusuf ya tafi kasar Faransa a ranar Juma’a, inda ake sa ran zai gana da Shugaban Kasa Bola Ahmed Tinubu. Wata majiya ta shaida wa DAILY NIGERIAN cewa tafiyar ta Gwamnan na da nasaba da shawarwari da ake yi a matakin kasa, musamman kan hadin gwiwa da fahimtar juna tsakanin manyan ‘yan siyasa. Sai dai har zuwa lokacin hada wannan rahoto, babu wata sanarwa a hukumance daga bangaren Gwamnan Kano, Sanata Kwankwaso ko kuma fadar shugaban kasa dangane da cikakken dalilin ganawar ko tafiyar.
Read more

GWAMNATIN TINUBU TA BIYA ‘DAN LOBBYN REPUBLICAN DALA MILIYAN 9 DON LALLABA TRUMP

-
Image
 Rahotanni sun bayyana cewa gwamnatin Shugaba Bola Ahmed Tinubu ta biya wani fitaccen mai lobbyn jam’iyyar Republican har dala miliyan 9, domin yin katsalandan da kuma lallashin tsohon shugaban Amurka Donald Trump, biyo bayan barazanar da Amurka ke yi na iya kai wasu hare-hare kan Najeriya. Majiyoyi sun ce an dauki wannan mataki ne a matsayin kokarin rage radadin takaddamar diflomasiyya da ke kara tsananta tsakanin kasashen biyu, musamman ganin yadda Trump ke kara yin kakkausar magana kan Najeriya a wasu batutuwa na tsaro da manufofin kasa da kasa. An ruwaito cewa wannan dan lobbyn na Republican yana da kusanci da manyan jiga-jigan siyasar Amurka, kuma ana sa ran zai yi amfani da tasirinsa wajen sauya ra’ayin Trump da kuma hana daukar wasu tsauraran matakai da za su iya illata dangantakar Najeriya da Amurka. Sai dai har yanzu gwamnatin Najeriya ba ta fitar da wata sanarwa a hukumance da ke tabbatarwa ko karyata wannan rahoto ba. Haka kuma, babu wata bayani kai tsaye daga bangaren T...
Read more

SHUGABA TINUBU yaki amincewa da sauya shekar gwamnan kano ba tare da kwankwaso ba

-
Image
 Da ɗumi-ɗumi: Tinubu ya ƙi Amincewq da karɓar Gwamna Abba Kabir Yusuf zuwa  APC sai tare da Kwankwaso — Uzodinma ya shiga tsakani Rahotanni daga DAILY NIGERIAN sun nuna cewa Shugaban ƙasa Bola Ahmed Tinubu ya fara nuna ƙin amincewa da karɓar sauyin sheƙar Gwamnan Kano, Abba Kabir Yusuf, zuwa jam’iyyar APC, muddin ba tare da uban gidansa na siyasa Sen Rabiu Musa Kwankwaso ba. Wata majiya ta bayyana cewa shugaban ƙasar ya nace ne saboda irin gagarumin tasiri da Kwankwaso ke da shi a Kano da wasu sassan Arewa.  Sai dai bayan yunƙurin shawo kan Kwankwaso ya ci tura, Hope Uzodinma ya shiga tsakani tare da shawo kan Shugaban ƙasa ya karɓi sauyin sheƙar gwamnan Kano shi kaɗai. Bisa umarnin gwamna, dukkan ƙungiyoyin shugabannin ƙananan hukumomi a jihar sun yi yunƙurin ƙarshe na roƙon Kwankwaso da ya biyo su APC, inda suka nuna goyon baya ga gwamna tare da kiran sa ya jagorance su zuwa jam’iyyar mai mulki. Sai dai rabuwar da gwamnan ya yi da jagoransa na tsawon lokaci, Rabiu Kwan...
Read more