Shirin Komawa APC: Tijjani Gandu Ya Aika Saƙo Mai Zafi Ga Gwamna Abba Gida-Gida

-


 Shirin Komawa APC: Tijjani Gandu Ya Aika Saƙo Mai Zafi Ga Gwamna Abba Gida-Gida

Ƙungiyar mawallafan Kwankwasiyya da ke rera wakoki tare da nuna goyon baya ga ƙungiyar Kwankwasiyya da jagoran jam’iyyar NNPP na ƙasa, Sanata Rabi’u Musa Kwankwaso, ta yi kira ga Gwamnan Jihar Kano, Abba Kabir Yusuf, da ya sasanta da Sanata Kwankwaso domin cimma matsaya guda kan makomar magoya bayansu.

Shugaban ƙungiyar mawallafan, kuma fitaccen mawakin Kwankwasiyya da gwamnatin Abba, Tijjani Gandu, ne ya bayyana hakan a wani faifan bidiyo da ya wallafa a shafinsa na Facebook a ranar Alhamis.

A cewar Tijjani Gandu, sun zaɓi yin bidiyon ne saboda rashin samun damar ganawa kai tsaye da Gwamna Abba Kabir Yusuf. Ya bayyana cewa mawakan Kwankwasiyya na da buƙatar gwamnan ya nemi Sanata Kwankwaso domin su zauna su tattauna, ganin irin doguwar alaƙar siyasa da ke tsakaninsu wadda ta shafe kusan shekaru 40.

Ya ƙara da cewa, a matsayinsu na waɗanda suka taka rawar gani wajen kafa gwamnatin Abba Kabir Yusuf, suna da cikakken haƙƙi na bai wa gwamnan shawara domin a samu daidaito da fahimtar juna.

Tijjani Gandu ya ce Kwankwaso da Abba Kabir Yusuf na iya shiga daki su tattauna cikin lumana, su yanke shawara kan makomar siyasar su, ko komawa kowace jam’iyya da suka ga dama, inda ya jaddada cewa mawakan Kwankwasiyya za su yi biyayya ga duk wata matsaya da aka cimma.

Wannan saƙo na mawakan Kwankwasiyya na zuwa ne a daidai lokacin da ake rade-radin cewa Gwamna Abba Kabir Yusuf na shirin komawa jam’iyyar APC tare da yanke alaƙar siyasa da tsohon maigidan sa, Sanata Rabi’u Musa Kwankwaso.

Comments

Post a Comment

Popular posts from this blog

Gwamna Abba Kabir Yusuf Ya Yi Tattaunawa da Kwankwaso, Daga Bisani Ya Tafi Faransa Don Ganawa da Tinubu

-
Image
 Rahotanni sun nuna cewa Gwamnan Jihar Kano, Abba Kabir Yusuf, ya gudanar da wata ganawa ta musamman da jagoran NNPP kuma tsohon gwamnan jihar, Sanata Rabiu Musa Kwankwaso, a gidansa da ke Miller Road a birnin Kano. Majiyoyi sun bayyana cewa ganawar ta gudana ne a ranar Talata, inda aka tattauna muhimman batutuwa da suka shafi siyasa da makomar jam’iyya a jihar Kano da ma kasa baki daya. Bayan wannan ganawa, Gwamna Abba Kabir Yusuf ya tafi kasar Faransa a ranar Juma’a, inda ake sa ran zai gana da Shugaban Kasa Bola Ahmed Tinubu. Wata majiya ta shaida wa DAILY NIGERIAN cewa tafiyar ta Gwamnan na da nasaba da shawarwari da ake yi a matakin kasa, musamman kan hadin gwiwa da fahimtar juna tsakanin manyan ‘yan siyasa. Sai dai har zuwa lokacin hada wannan rahoto, babu wata sanarwa a hukumance daga bangaren Gwamnan Kano, Sanata Kwankwaso ko kuma fadar shugaban kasa dangane da cikakken dalilin ganawar ko tafiyar.
Read more

GWAMNATIN TINUBU TA BIYA ‘DAN LOBBYN REPUBLICAN DALA MILIYAN 9 DON LALLABA TRUMP

-
Image
 Rahotanni sun bayyana cewa gwamnatin Shugaba Bola Ahmed Tinubu ta biya wani fitaccen mai lobbyn jam’iyyar Republican har dala miliyan 9, domin yin katsalandan da kuma lallashin tsohon shugaban Amurka Donald Trump, biyo bayan barazanar da Amurka ke yi na iya kai wasu hare-hare kan Najeriya. Majiyoyi sun ce an dauki wannan mataki ne a matsayin kokarin rage radadin takaddamar diflomasiyya da ke kara tsananta tsakanin kasashen biyu, musamman ganin yadda Trump ke kara yin kakkausar magana kan Najeriya a wasu batutuwa na tsaro da manufofin kasa da kasa. An ruwaito cewa wannan dan lobbyn na Republican yana da kusanci da manyan jiga-jigan siyasar Amurka, kuma ana sa ran zai yi amfani da tasirinsa wajen sauya ra’ayin Trump da kuma hana daukar wasu tsauraran matakai da za su iya illata dangantakar Najeriya da Amurka. Sai dai har yanzu gwamnatin Najeriya ba ta fitar da wata sanarwa a hukumance da ke tabbatarwa ko karyata wannan rahoto ba. Haka kuma, babu wata bayani kai tsaye daga bangaren T...
Read more

SHUGABA TINUBU yaki amincewa da sauya shekar gwamnan kano ba tare da kwankwaso ba

-
Image
 Da ɗumi-ɗumi: Tinubu ya ƙi Amincewq da karɓar Gwamna Abba Kabir Yusuf zuwa  APC sai tare da Kwankwaso — Uzodinma ya shiga tsakani Rahotanni daga DAILY NIGERIAN sun nuna cewa Shugaban ƙasa Bola Ahmed Tinubu ya fara nuna ƙin amincewa da karɓar sauyin sheƙar Gwamnan Kano, Abba Kabir Yusuf, zuwa jam’iyyar APC, muddin ba tare da uban gidansa na siyasa Sen Rabiu Musa Kwankwaso ba. Wata majiya ta bayyana cewa shugaban ƙasar ya nace ne saboda irin gagarumin tasiri da Kwankwaso ke da shi a Kano da wasu sassan Arewa.  Sai dai bayan yunƙurin shawo kan Kwankwaso ya ci tura, Hope Uzodinma ya shiga tsakani tare da shawo kan Shugaban ƙasa ya karɓi sauyin sheƙar gwamnan Kano shi kaɗai. Bisa umarnin gwamna, dukkan ƙungiyoyin shugabannin ƙananan hukumomi a jihar sun yi yunƙurin ƙarshe na roƙon Kwankwaso da ya biyo su APC, inda suka nuna goyon baya ga gwamna tare da kiran sa ya jagorance su zuwa jam’iyyar mai mulki. Sai dai rabuwar da gwamnan ya yi da jagoransa na tsawon lokaci, Rabiu Kwan...
Read more